ads by google

ads by google

كل حاجه عن الكلية الحربية | الاوراق والاختبارات والكشف ومواعيد التقديم

0

كل حاجه عن الكلية الحربية معلش قررنا نكتب البوست دا بالمصري بدل اللغه العربية الفصحي من باب التغيير وسهولة توصيل المعلومة  كل حاجه عن الكلية الحربية هنلخصلك فية كل اللي بتدور علية .

هنعرضلك الصور الخاصة باعلان التقديم علي الكلية الحربيه وبعدها هنتكلم في كل التفاصيل

كل حاجة عن الكلية الحربية
كل حاجه عن الكلية الحربية
كل حاجة عن الكلية الحربية
كل حاجه عن الكلية الحربية
كل حاجة عن الكلية الحربية
كل حاجه عن الكلية الحربية
كل حاجة عن الكلية الحربية
كل حاجه عن الكلية الحربية
كل حاجة عن الكلية الحربية
كل حاجه عن الكلية الحربية

كل حاجه عن الكلية الحربية سحب الملف :-

– وأنت بتسحب الملف لازم تكون حالق ودي اول خطوه بتتعلمها في الحياه العسكرية و مش بتحتاج اي ورق غير البطاقة ولازم تسحبو بنفسك علشان هتتصور صور هتحتجها في الملف ومش هينفع تتصورها بره وسعر الملف ٢٠٠ جنيه من بوابة رقم ٣

سحب الملف من الاسكندرية من المكتب الفرعي لنادي الفتح الاجتماعي بقيادة المنطقة الشمالية العسكرية بعد انتهاء حفل تخرج الدفعة ١١٣ مباشرة

الملف مقسوم علي مرحلتين اولي وثانية
ملف المرحلة الاولي بتقدم فيه :-

١- صورة البطاقة الشخصية للطالب والوالدين ولازم تكون سارية مش منتهيه و في حالة الوفاه شهادة الوفاه وبيانات المتوفي بالتفصيل

٢- صور مؤهلات الوالدين الدراسية و شهادة لإثبات الوظيفة من محل العمل أو السجل التجاري أو البطاقة الضريبية في حالة ممارسة الأنشطة التجارية الحرة أو سيرك المعاش في حالة التقاعد

٣- القيد العائلي للوالد و الجدين و يتم استخراجه من السجل المدني التابع له الطالب ولو في تعذر هيتقبل مرحلة اولي بس مش هيتقبل مرحلة تانية بتاخد فرصه تطلع القيد

٤- صحيفة الحالة الجنائية ( الفيش و التشبيه ) و تكون الجهة التي يقدم لها الكلية الحربية

٥- كارت طولي للوالدين معاً على خلفية بيضاء و في حالة الانفصال فيكون كل منهما في كارت منفصل على حدة

٦- أي أوراق ملكية خاصة لأراضي أو عقارات أو أي نشاط تجاري باسم الطالب أو والده

نيجي بعد كده لملف المرحلة الثانية وده بتقدمه بعد نجاحك في الكشف الطبي او الرياضي علي حسب المعاد اللي هيتم تحديده ليك

كل حاجه عن الكلية الحربية أوراق المرحلة الثانية :-

١- عدد ( 4 ) وثائق تعارف + تثبيت عدد ( 4 ) صور مقاس ( 4 × 6)
٢- عدد ( 2 ) بيان أبناء الأعمام و الأخوال

٣- بيان وظيفة الوالد و الوالدة + صورة بطاقة الرقم القومى على الوجهين للوالد و الوالدة + صورة من المؤهل لهما (فى حالة المؤهل العالى أو المتوسط أو فوق المتوسط فقط ) + كارت طولى للوالد و الوالدة ( كما فى المرحلة الأولى )

٤- صورة بطاقة الرقم القومى على الوجهين للطالب + صورة من مؤهل الطالب + صورة من شهادة ميلاد الطالب مميكنة

٥- صورة من القيد العائلى للوالد + أصل القيد العائلى للجدين ( ألا يكون قد مضى على تاريخ إصدارة أكثر من عام)

٦- صورة من أى بيانات أخرى موجودة بالملف ( عقارات – أملاك – حيازة )

٧- الكارت الأمنى ( يكتب بالقلم الأسود )

٨- كروكى محل الإقامة

٩- إقرار عدم إغفال البيانات

من الأوراق اللي لازم على الطالب إحضارها :- القيد العائلى للوالد و ( القيد العائلى للجد للوالد / القيد العائلى للجد للوالدة )
٢- يجب على الطالب و ولي أمره السعي لتجهيز هذه الأوراق قبل التقديم بفترة كافية نظراً لأن إستخراجها يستغرق وقت طويل مما يؤدى إلى التأخير و تعطيل إجراءات القبول

ملاحظات : – جميع الأسماء تكتب رباعى و بخط واضح و الوظائف و العناوين بالتفصيل
– لا يسمح بالشطب أو القشط أو إستخدام المصحح ( الكوريكتور )
– يتم كتابة رقم القيد + الإسم + التليفون المحمول + العنوان بالتفصيل على الحافظة من الخارج

ندخل بقي علي الأختبارات

كل حاجه عن الكلية الحربية الاختبارات :

إختبار السمات الشخصية :-

١- هدف إختبار السمات الشخصية معرفة قدرة الطالب على التكيف مع الحياة العسكرية وأن رغبته ليست نتيجة ضغوط معينة و قياس تناسب شخصية الطالب مع متطلبات الحياة العسكرية وكيفية التصرف في المواقف المختلفة

٢- يتم إختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار (قلم جاف ازرق)
٣- تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة

امتحان السمات بيكون اسئله عباره عن معلومات عامه وتاريخ
وشكل الملف لازم يكون نظيف ومش شاطب والاوراق كاملة

ندخل بعد كده علي الكشف الطبي

كل حاجه عن الكلية الحربية الكشف الطبي :

الكشف الطبي :-
اولآ لازم تروح تبقي لابس غيار داخلي سبعه ابيض و هعرفك هتكشف علي ايه بظبط بالتفصيل ركز في الكلام علشان مهم جدا

١-التناسق : تناسق الطول مع الوزن علشان يعرف عندك زيادة في الوزن او نقص و علشان تعرف وزنك مناسب مع جسمك مثال : لو طولك ١٧٠ يبقي الوزن المثالي ليك من ٧٠ ل ٧٥ ولو اقل اخرك ٥ كيلو

٢-كشف الجلدية :
بيكشف علي جسمك علشان يتأكد انك مش عندك اي مرض جلدي او ايدك مش بتعرق او اي عملية جراحية مؤثره
لاكن لو جروح خفيفة او غرز عدي عليا فترة اكتر من ٦ شهور مش مشكلة و تقدر تجبلها كريم تجميل

٣-كشف العظام :
يعتبر اصعب كشف و ناس كتير جدا بتخرج منه ومش بخوفك انا بقولك الحقيقة و بيتم الكشف علي ان مفيش اي عملية جراحية او تركيب شرائح ومسامير او وجود اي كسر مضعف او الكشف عن الكسور و التشوهات الخلقية مثل التصاق الفخدين و الفلات فوت او تقوس او الازرع او اي انحناء في فقرات الظهر او عندك غظروف و للاسف ناس كتير بتخرج منه
هقولك تعمل ايه : اولا مفيش حد فينا كامل ف متبقاش ملفت للدكتور و روح اكشف قبل التقديم علشان لو في اي حاجه تلحق تعلجها و في الكشف ده بالاخص ربنا يستر عليكم

٤- كشف الاسنان :
التأكد ان سنانك سليمة و هيشوف نظافة الاسنان و انك مش مركب تقويم و قبل الكشف ده هنروح لدكتور ينظف سنانك و اغسلها قبل الكشف و لو في حشو ف اي ظرس مش مشكلة

٥- كشف النظر :
بيتم الكشف علي لوحة بيبقي عليها اشكال دائرية علشان قياس قوة النظر ٦/٦ او درجته
كشف عمي الالوان مجموعه من الصور علي ورق دوائر ملونه جواها ارقام تقرائها للتأكد انك مش عندك عمي الوان
قاع العين بيحطلك قاطره علشان يقدر يشوف بالجهاز لو كنت عامل اي عملية و يشوف عينك كويس ف متفكرش تضحك علي الدكتور وتحور عليه ف اي سؤال
لو مقدم فنية عسكرية ولابس نظارة مش مشكلة طلاما مكتوب علي ملفك ممتازون وجايب اكتر من ٩٥٪؜

٦-كشف الانف والاذن :
التأكد من عدم اجراء اي عملية و ان الاذن نظيفة و السمع مظبوط و بالنسبة للانف مفيش اي التهابات او نزيف بالانف او حساسية مزمنه و المطلوب منك انك تنظف الاذن عند دكتور من الشمع وتنظيفة الانف من الشعر لتسهيل الكشف

٧- كشف الجراحة :
من الاخر هتكشف من غير اي هدوم و هيتم الكشف علي العانه و التأكد انك مش عندك اي مشاكل او اجراء اي عملية جراحية او وجود دوالي علي الخصية
الكشف علي المؤخره و انك مش عندك بوسير او نصور او لمأخزه يعني حاجة تانية  ولازم تكون حالق .

٨- كشف الباطنة :
انك مش عندك اي مرض مضر او قرحه في المعده او نزيف داخلي الكشف عن وجود أي عيوب أو مشاكل في الجهاز الهضمي و الكبد و بيبقي بسيط

٩- التخاطب و الكشف النفسي :
التأكد انك مقدم برغبتك مش مضغوط عليك
والتأكد من عدم وجود لدغه في بعض الحروف ( ر – س -ث – الخ..)

اليوم الثاني ينقسم إلـي:-

١٠- كشف موجات:
بيتم الكشف علي الكلي بجهاز كشف الموجات للتأكد من عدم وجود اي حصوه علي الكلي او اي مرض في الجهاز التنفسي ومدي تأثيره بالتدخين

بيتم عمل جميع التحاليل دم – بول للتاكد من عدم وجود اي امراض او انميا او تعاطي مخدرات او اي امراض في الدم سكر او غيرة

كل حاجه عن الكلية الحربية الخلاصه :
١- الكشف عند دكتور مختص قبل الكشف الطبي علشان تتاكد انك معندكش اي مرض و لو عندك تلحق تعالجها

٢- تنظيف الاذن و الاسنان عند دكتور مختص قبل الكشف و حلاقه الشعر في الاماكن الحساسه و لبس غيار ابيض سبعه

٣- متخبيش و تحور عليه انك مش عامل عملية لو عامل لما يسألك علشان ده دكتور و فاهم و لو كذبت هيسقطك

٤- تجنب الهرومنات و التدخين و (العاده السرية) هتأثر عليك و انت الي هتخسر صلي و قرب من ربنا علشان يكرمك

ملحوظة : تقدر تعمل التماس اعاده كشف لو لاقدر الله سقط ف كشف من الكشفات و ده بيكون ف اخر اليوم بتتعرض علي دكتور تاني علشان اعاده الكشف عليك و لو مفيش حاجه بتنجح ومسموح بيه مره واحده فقط

لو خلصت طبي حربية و اترشحت جوية بتروح تختبر طبي جوية و ده مختلف عن طبي حربية بشوية حاجات زي غرفة ضغط الهواء و شوية كشفات تانية لو منجحتش بترجع تاني حربية طلاما ناجح ف طبي حربية
غير معترف باي كشوفات او تحليل ملكي غير الكشوفات الي بيتم اجرائها عليك من اللجنة المختصه بالتقديم خلاف كده غير معترف

ندخل علي الاختبار الرياضي

كل حاجه عن الكلية الحربية الاختبار الرياضي 

اولآ : تمرين الضاحية الجري لمسافة ١٥٠٠ متر في زمن من ٦ ل ٧ دقيقة و ده عليه (٤٠) درجة
ثانيآ : اختبار الجري لمسافة ١٠٠ متر في ١٤ ثانية و ده عليه (١٠) درجة
ثالثآ : التوازن يعني هتمشي علي خط مستقيم ومتقعش من عليه و عليه (١٠) درجة
رابعآ :تمرين عقله عليه (٤٠) درجه من ١٠ ل ١٢ عدة عقلة شد
خامسآ : البطن عليها (٤٠) درجة ٤٠ عدة بطن صحيحه
سادسآ : الضغط عليه (٤٠) درجة ٤٠ عدة ضغط صحيحه
قفزة الثقة (مضي / قصر) ولا توجد اي فرصه ثانية لاعاده التمرين
اختبار السباحة (٢٠) درجة و لو مبتعرفش يبقي صفر في الدرجة
بإجمالي (٢٠٠) درجة للاختبار الرياضي وللعلم الاعداد المطلوبة ممكن تزيد علي حسب السنة يعني ممكن الاعداد دي تزيد
نتكلم عن شوية حاجات هي الي بتساعد علي رفع اللياقة و بتتحكم ف شكل الجسم
١-نظام غذائي
٢- تنظيم موعيد النوم
٣- السعرات الحرارية الي جسمك محتجها قد ايه
٤- تنظيم موعيد الاكل
٥- اداء التمرين بشكل صحيح
٦- تجنب اي حاجه ممكن تضرك
انا هتكلم بصفه خاصه عن اللياقة البدنية و الاعداد العسكري و اول حاجه ١- انت محتاج مدرب كويس يكون فاهم و عارف هيدربك ازاي مش يبقي همو الفلوس و خلاص
٢- الضغط و البطن و العقله الي هيرفعهم عندك تمرين ( المتوازي – العقله – خفة وزنك) يعني لو انت ضعيف ف التمرين دي اتمرن علي المتوازي هيسعدك تعرف تلعب عقله و ضغط واتعلق علي العقله اطول فترة ممكنه و حاول بعديها تجيب اي عدد تقدر عليه و كل ده انت المستفيد اما البطن ف ده تمرين لوحده
٣- حاول تجري ف اليوم مرتين و ده للناس الي لياقتهم معدومه و بيحاول يعوض ف اسرع وقت ممكن لان في اختبار ضاحية ادرب علي جري لمسافه ٣ كيلو ف زمن من ١١ ل ١٣ دقيقة و لان الضاحية من اصعب الاختبارات علشان كده بنصح بلاش سجاير هتأثر عليك في التمرين ده
٤- تعويض الجهد المبذول بعدد من الوجبات الي هيحددهالك المدرب بتاعك لان هو هيبقي شايف جسمك وهيقدر يحكم اكتر مني النظام العذائي بتاعك يبقي عامل ازاي لاكن انا مقدرش احكم لاني مشفتكش
٥- الفواكه مهمه جدا و هتساعد جسمك يستفيد بالتمرين و مجدد للطاقة و فاتح للشهية
٦- اداء التمرين بشكل صحيح يعني انت مش هتستفيد اي حاجه لو موت نفسك في التمرين و انت اصلا بتتمرن غلط
٧- تنظيم موعيد النوم يعني جسمك محتاج علي الاقل ٨ ساعات نوم علشان تستفيد والا هتكون بترمي مجهودك في الارض
٨- قياس المستوي والوزن والطول اسبوعيآ علشان تقدر تعرف اذا كان مستواك في تقدم ولا لا و معرفة نقاط الضعف و التركيز عليها
٩- التدريب علي قفزة الثقة اكتر من مره و بدون اي تردد متبقاش جبان عيب انت بتنط ف مياه مش هيجرالك حاجه

خلصنا المقال لو شايف انك استفدت منه بمعلومة شاركة علي صفحتك علي الفيسبوك او تويتر او واتساب عشان غير يستفيد

شرفتنا بس قبل ماتمشي شوف المقال دا يمكن يفيدك

الضباط المتخصصين بكلية الشرطة 2019 التخصصات المطلوبة وشروط التقديم

حمل تطبيق وظائف الخليج من هــــنا لمشاهدة جميع الوظائف الخالية للمقيمين في السعودية من غير السعوديين اضغط هنا  للاطلاع علي الوظائف الخالية للسعوديين اضغط هنا  للانضمام لجروبنا علي واتساب اضغط هنا  للانضمام لجروبنا علي فيسبوك اضغط هنا  لمتابعتنا علي تويتر من هنا 

اترك ردا

Your email address will not be published.